Ný og spennandi hátíð fer af stað  í Reykjavík

Freyjufest verður haldin í fyrsta sinn 21. janúar  2023 í Reykjavik. 6 atriði með flytjendum frá Bandaríkjunum, Sviss, Þýskalandi, Belgíu, Noregi, Svíþjóð og Íslandi koma fram í Kaldalóni í Hörpu. Flytjendur eru ýmist leiðandi á alþjóðlegu jazzsenunni eða að kveða sér hljóðs og eru allt frá eldfimum reynsluboltum frá Avant Garde senunni eins og Myra Melford og Angelika Niescier, til mest spennandi nýliðanna á norrænu senunni eins og Anna Gréta og Ingibjörg Turchi. Í mixið bætast svo trompetleikari með geitarhorn frá norsku fjörðunum og útsetjari frá svissnesku ölpunum. Þetta er viðburður sem tónlistarunnendur mega ekki missa af.

​

Miðar

Hægt er að kaupa miða á dagtónleika, kvöldtónleika eða passa á allan daginn.

Dagpassi 5200 //  Kvöldpassi 5200 // Hátíðarpassi 8000